Во еден свој неодамнешен и, по обичај, пропагандистички текст, канта-тропа, политичкиот назначеник Бранко Ѓорѓевски, несакајќи го запечатува фактот дека МПЦ е расколничка организација со тапија.

Верскиот канта-тропа пропагандист, во своето најново „остварување“, повторно ги сподели своите расколнички фрустрации во јавноста. 

Денес не постои човек во Македонија на кого не му е познато дека еден од условите за напредување на нашава земја во интегративните процеси е решавањето на проблемите со медиумите за кои во повеќе релевантни извештаи на релевантни организации недвосмислено се вели дека манипулираат за политички интереси, користат говор на омраза, демонизираат луѓе кои не мислат како нив, со што ги погазуваат професионалните стандарди во новинарството…

Новинарската инсуфициенција и неспособност на Бранко Ѓорѓевски, кога се во прашање црковните теми, веќе е нашироко позната. Од таквиот инсуфициентен „новинарски пристап“ кон црковниот проблем, неодамна се огради и самата непризната МПЦ, соопштувајќи дека едноставно некои новинари не се доволно теолошки образовани.

Политичкиот назначеник (формулација на цивилизираниот свет за голем дел од македонските новинари), во случајов би додале и полицискиот назначеник, т.н. Бранко Ѓорѓевски, во најновото издание на весникот „Дневник“ (бр. 5933, од 05. 12. 2015 г.), пишува дека Епископот стобиски и Местобљустител струмички г. Давид ја клеветел МПЦ дека е комунистичка творба.

Mногумина во нашево малаксано и папсано општество, самонаречени експерти или аналитичари, брзаат да се истрчаат со некоја анализа и да искоментираат што е вистина, а што лага во актуелните збиднувања во заедничково опкружување. Изобилуваме со универзални  експерти. Посебно се актуелни “експертите” за премрежијата на расколничката  МПЦ. Нивните анализи буквално се топат уште непрочитани. Се топат како снежните снегулки кои незабележливо паѓаат на нашите капути и веднаш исчезнуваат!